轉Perm了

今天公司 HR 打我個手提電話，問我係唔係放了假，起初還以為佢地話無批過我放假，點解唔番工。跟住佢就講，話我放假期間 send 左份 Letter of Employment 俾我，問我幾時簽番俾佢咁話，我才意識到我會轉 Perm 了。其實我一早就知道我會在 contract 完之後轉 Perm，因為早我兩個月入來果班 contract 都已經轉晒做 perm 了。

 

大家可能會對我的人工有興趣，但不用問我，我現在也不知道，因為我還未看到我份 Letter of Employment，要等星期一放完假才回公司看。但我就從公司 e-mail 收到 HR 的一些文件，是關於退休保障計劃的事。話說 HSBC 有自己的退休保障計劃，員工可以選擇公司個計劃或 MPF。表面上看，公司的計劃比 MPF 好，因為公司會供 7%，而自已只是供 3%。但有個問題，MPF 係你供幾多就有幾多錢，但公司個退休計劃要做到退休才是供幾多有幾多，如果提早離職，只可得到(最後十二個月的平均月薪*1.2*服務年數)。這好像有點問題，所以到現在我還未選擇呢！要回公司與其他同事討論下先。