GSC Dinner 2006

今年我個department的annual dinner，第一次在太古城舉行，在西苑食，有八圍枱，但間房好細。我很慘，俾人分左去一張枱，一個人都唔熟，好悶。

抽獎都係咁啦，一貫以來都未抽過大奬的我，在人人有奬的情況下，今次抽到中奬(1GB SD Card)，已經算很好了。但係幾個熟的同事都抽到大奬，其中一個更有PSP呢，佢地就開心啦。


比起Kelvin Law及阿楝，我的禮物真係好好了，因為他們各抽到HK Disneyland門票兩張，仲要佢地都係去過無耐。好在我女朋友有同事想買，幫他們兩個賣左lu。

我們department有個fun club負責攪活動及福利。每年Annual Dinner之後，都會選新committee，我一早都估到無乜好結果的了，我俾人篤左出來，經過一輪黑暗投票後，被選為五位committee之一。其實都無乜所謂，可以玩下，但係老細就肯定唔多高興，因為怕我地掛住攪活動，會影響工作云云。

由左至右：David, Polly Jim, 我, Kelvin Law, 阿楝

今屆比較特別，就係有我地department出產的HSBC歌王獻唱兩首張學友經典歌曲。


下年到我地新Fun Club攪GSC Dinner了，唔知會點呢？

My visited countries map

create your own visited countries map or vertaling Duits Nederlands

Cats in Salon

有髮剪 @ Mongkok

週記

今個星期老細唔見晒，所以要我同 user 聯絡。由星期初想打交咁，到星期尾佢打來訴苦，都係咁煩。

星期一，user 打電話來話乜話物，講英文的，我就用十年未用過的英文同佢溝通，好在都仲 work。但係好奇怪，聽聽下佢講o野，間中會聽到Ｄ「o下」、「o依」咁，俾我知道左佢原來識講中文的。咁我有一次找機會先發制人，一開始就講中文，點知佢都係講番英文，激死。

星期三，有一次佢臨放工打來，好似就死咁聲，同我講Ｄ唔係好正的中文，哈哈，咁我以後都同佢講中文喇。中文係母語，真係得心應手好多，初頭俾佢佔晒上風，現在到我大番佢喇。

星期四，佢一早打來同我訴苦，又話唔知點做，又話好煩，又話隔離team點樣點樣，我就真係俾佢煩親，不過點都好過好似想打交咁o既。

明天係最後一天無老細在office，之後都應該係老細同user講番o架喇，唔知明天會點呢？

這個星期從別人身上學到幾多o野，要好好記住先得。

是真是假？

實在太似了，很可愛呢！這是女朋友的同事由日本帶回來的手信，現在是我的呢！

阿Q臭臭鍋

每次有人去台灣，都會托人買「阿Ｑ臭臭鍋」回香港，因為實在太好味了，已經到達了上癮的程度。大家下次去台灣記住幫我買喇，唔該。

好失敗

最近都唔知做乜，任何事都好唔順利，不論公事私事都係咁，都唔知做乜o野事！激死我了‧‧‧我好嬲自己 >__<

好驚呀

今天做了一件好驚的事情，好在有驚無險。我要醒定點！

What Gender Is Your Brain?

Your Brain is 40.00% Female, 60.00% Male

You have a total boy brain Logical and detailed, you tend to look at the facts And while your emotions do sway you sometimes... You never like to get feelings too involved

What Gender Is Your Brain?

五天工作 正式實施

由今天起，我正式由五天半工作轉為五天了，即是星期六不用上班，感覺真好。福利方面，少了兩天大假，工作時間不變，都算係咁啦。

Naughty Cat 扮乖 lur人玩

隻衰貓之前因為隨處尿尿，至今仍未重獲自由，只可以在頸繩的範圍內活動。在受罰期間，近日不停施展軟功，以極乖的表現希望博得同情，例如叫人摸佢、擺好多post任拍照等等。

精神年齡

鑑定結果
您的精神年齡22歲
與您實際年齡差-2歲

幼稚度56％
成熟度39％
老化度25％

你也試下呀: http://www.mathsking.net/test/think.htm

失憶

昨天我和女朋友去了某個商場食飯，未食之前見到Ｄ聖誔裝飾幾靚，咪拍下照咁lor。女朋友話要合照，咁就找個路人幫手啦。找了一個女仔，個女仔一行埋來就同我講：「咁啱o既...」我諗了很久，食完飯先記得她是我現職公司的一個舊同事。死啦，果一刻我好似唔識佢咁，只是同佢講了一聲「唔該晒」。個同事實係以為我傻左。