週記

今個星期老細唔見晒，所以要我同 user 聯絡。由星期初想打交咁，到星期尾佢打來訴苦，都係咁煩。

星期一，user 打電話來話乜話物，講英文的，我就用十年未用過的英文同佢溝通，好在都仲 work。但係好奇怪，聽聽下佢講o野，間中會聽到Ｄ「o下」、「o依」咁，俾我知道左佢原來識講中文的。咁我有一次找機會先發制人，一開始就講中文，點知佢都係講番英文，激死。

星期三，有一次佢臨放工打來，好似就死咁聲，同我講Ｄ唔係好正的中文，哈哈，咁我以後都同佢講中文喇。中文係母語，真係得心應手好多，初頭俾佢佔晒上風，現在到我大番佢喇。

星期四，佢一早打來同我訴苦，又話唔知點做，又話好煩，又話隔離team點樣點樣，我就真係俾佢煩親，不過點都好過好似想打交咁o既。

明天係最後一天無老細在office，之後都應該係老細同user講番o架喇，唔知明天會點呢？

這個星期從別人身上學到幾多o野，要好好記住先得。