終於賣得出了

很多人曾對我說，公司的StaffOnline上有很多水魚，我Post $3000，但是都無人買我部全新行貨Motorola V3i。Annual Dinner抽獎的禮物，放在一旁已有大半個月了！後來，都係要用Yahoo!拍賣，成功以$2200賣出。

無收據真的很麻煩，保養要睇番部機的出廠日期起計。部機其實係vendor讚助我們公司Annual Dinner的，咁vendor無俾收據我地，我想問番vendor可否提供收據，但有人話會「破壞公司形象」wor，唔俾個contact我，真係俾她激死。

因為部機無保用証，買家問是否行貨，我都不敢說，要打電話去Motorola Hotline，俾個IMEI code佢check下，才sure我部機是行貨。

在旺角街頭交收時，買家（丘先生）不忘為自己的遊艇業務推介一番，他說會給我一個好的價錢wor。剛好我公司Fun Club想搞遊船河，幾好，多一個選擇。60人約$9000，即每人$150，有一隻西式遊艇加兩隻快艇任玩，好似都OK咁wor，返公司同大家discuss下先。