旺角鬧市中的「避風塘」

今天去了一間從未去過的食店，慶祝母親節。

都怪我無一早訂位，很多地方都fully booked。原本想去富豪機場酒店食自助餐，因為中銀信用咭有六折，咁著數，當然一早無位啦。後來嘗試訂中環的蓮香樓，又要九點後才有位。後來在旺角行行下，經過山東街，就在雅蘭下面，見到一間「避風塘」，咁好彩佢又有位，咁就在這裡食啦。

起初都有點擔心，因為間間食店都無位的時侯，這間竟然有位，還要沒有規定要叫母親節套餐，心想以為質素麻麻，無人去。

訂了八時正，婆婆和其他親戚一行九人準時到達，落到去都幾多人食架喎，都無咁驚。我地點了很多菜式，例如有避風塘炒乜炒物，避風塘雞，炒硯，Ａ菜石頭鍋，牛肋骨，帶子炒飯，唔知乜野炒麵等等（我記得咁多好勁架喇！）

食物真好味，連環境都好似避風塘咁。特別一讚侍應的服務實在很好呢，就連唔係做樓面的廚師，放工經過都好有禮貌架（因為我地多人坐埋條路，佢地要唔該借借）！

今餐平均每人＄１３０，以這個質素及份量，好抵呀。食完後，全部人都很滿意我訂了這間，哈哈，好彩啫！下次我和女朋友兩個人再來食過先。