黃金沙灘餐廳

黃金沙灘餐廳　美景伴意菜 2005-01-25 更新

【東方日報專訊】上天給地球配備了很多令人快樂的道具，一個太陽，由早到晚變化多端；一個海，潮汐漲退與海浪拍和聲，也足以令人消磨了半天。走到黃金海岸沙灘，於12月開張的Long Beach，正正坐落在海灘旁邊，主打意大利菜的西餐廳，當中也有歐美，甚至東南亞菜式供應。有陽光與海灘伴食，背景還有在沙灘上漫步的人兒，情景夠醉人了吧！

最愛 Home-made 菠菜雲吞

和煦的陽光灑落在我們身上，大夥兒走到餐廳外面，坐在木色、厚實的桌椅旁，迎海風，甚麼壓力也化解掉。即使陽光消失了，煤氣暖燈就會搬到戶外，在寒冬中，食客不用打冷顫用餐，室內掛上的是彩瓷燈，有點歐洲餐廳的味道。和經理Peter談起，知道老闆本身從事飲食業，看到這間餐廳的環境大有可為，又遇上曾在富豪、海景嘉福及華美達酒店做西廚、有12年入廚經驗的Andy，於是就在這兒開舖。

菜式以意大利菜為主，尤其愛他們自家搓粉製作的菠菜雲吞，吃下去，和暖的醬汁有種溫暖的親切感。Peter極力推介來自世界各地的五、六十種餐酒，包括智利、澳洲、新西蘭、西班牙等地，一隻名為Barolo Docg 2000 "Batasilo"的酒王都有出售，名酒與美景相伴，豈不快哉？

查詢電話：2618 6098

營業時間：12:00pm~1:00am

茶會

今日原本上午開茶會，但邊有人會得閒唔返工去開茶會架？所以我同女朋友放工先去旅行社取回資料及旅行袋。我們會在２月２日上午１１點起飛去東京，２月８日晚上十二時回港，還來得及初一去逗利士呢！

17" LCD Mon @ Office

上星期公司執位後，個位細了好多，唔係幾開心。
不過今日全個department換晒17吋LCD Mon，令枱面有更多空間，都算令我有番心機做ｏ野！

Digital Storage for my Japan trip

DV Tape x 10
CF 256MB x 2
Digital Wallet 40GB x 1

第一次去北海道, 我要拍好多好多靚相& video... ^.^

公司執了位, 好細!

匯豐棄租數碼港 後勤員工反對 (2005/01/05)

【明報專訊】匯豐正計劃增聘人手，去擴充資訊科技部門，因為現有樓面面積不敷應用，而匯豐數月前曾考慮租用數碼港，然而因員工對遷入數碼港頗有微言，結果擱置租用數碼港的構思。

北海道 旅遊「貼士」

由某留言版轉載．．．

---

第一次去北海道既朋友，記得帶本五吋乘五吋大既白紙簿去「給」印仔，此乃北海道特色之一，上至酒店，旅遊景點，下至中途站既便利店都有得「給」，每個印仔都有當地景點既特色公仔，非常有紀念價值。
天氣又凍又乾燥，皮膚特別乾燥既人記得帶橄欖油潤膚，最欏命係酒店既暖氣，臨訓前響浴缸放一缸暖水，可以保持室內足夠濕度，衣著方面，天蠶衣加羊毛冷衫，可摺式羽絨外套，基本上跟團除左滑雪之外戶外活動唔多，一上車同出入餐廳就有暖氣，焗住要除衫，所以揀摺得埋既羽絨會方便好多，我自己就買 procam fish 既羽絨，貪佢送埋個好薄既有繩袋仔，一入餐廳就摺細入袋掛椅背，上車又可以摺細放上行理架，非常方便，相反見其他團友著 north face 就硬掘掘，成件掛椅背又拖地又易俾人踩污糟，上旅遊車仲鑊，要全程攬住，諗起都覺得煩；玩雪必備防水手套，最好揀薄薄地身已經夠暖，可以問朋友借，再唔係就女人街買廿蚊一對，一樣夠暖又唔入水，女仔貪靚買多對「冷」手襪同「冷」帽帶去，影相都變化多Ｄ又靚Ｄ，如果唔記得帶防水手套去，當地滑雪場都有得賣，一般舊半到兩舊水左右，另外，鞋方面好多人都會忽略左，上滑雪場一定要著防水鞋，例如 timberland 或者 cat 之類既半筒鞋，（一般皮革類鞋並不防沁水）因為玩雪鞋頭Ｄ雪一溶，沁入內籠整濕埋對襪，到時除襪又死唔除襪又死，個種感覺仲正過滿清十大酷刑， 如果係拍緊拖既男女，我就恭喜男方勒，因為你可以感受一下「我的野蠻女友」入面個一幕交換鞋著既浪漫，保証閣下呢個旅程畢生難忘。
換 yen 我鍾意幫趁中環「百年找換店」，首先，佢 yen 存貨夠多 ，換幾多都有，又唔駛手續費，最重要係可以電話問匯價，o岩價錢可以留低聯絡資料（必須），即時預留幾多 yen，到你上到去欏 yen 無論價錢上落都照電話所報一樣，當然佢會覆個電話俾你 check 下個電話號碼堅定流，而且係上晝問價下晝欏 yen，唔留隔夜個隻。
另外仲有Ｄ小小心得同大家分享，上旅遊車記得帶個跟團送既隨身旅行袋（因為爛左都唔駛恨），除左救急藥物外（例如止瀉，發燒頭痛，膠布之類），最好帶副「士啤」隱形眼鏡，以備不時之需；仲有最好去家居用品店買個Ｓ型勾仔（大概三吋高，兩頭圓，五蚊十個果隻），將個旅行袋或者雜物勾響前面椅背，保証唔駛責到腳痺。
今個月二十一號我都跟團去北海道五日，希望大家開開心心過節，返黎唔會同女朋友有「過節」。

轉工？

近日有位朋友辭了職，令我又再想起轉工的念頭。在匯豐的工作，實在太安定了，亳無挑戰，實在很想去試試在軟件公司的工作。但這份工作是一隻很好味的雞叻，有穩定的收入，良好的福利，同事也相處得很好。還好我還有四個多月去考慮。

書名﹕遠見

【明報專訊】書名﹕遠見 （作者﹕劉九如　出版﹕萬里／香港）

這是內地首部記錄IT產業如何應對艱難時世的對話體管理啟示錄，佔GDP10%的中國IT產業在3年來的衰退大潮中，經歷痛苦裂變，Intel、IBM、微軟、聯想等如何在變革中成為王者，企業管理如何致勝等，都一一包含在書中。本書以「總裁對話」的形式，再現處於中國改革最前沿的IT業的跌宕起伏，真實記錄了IT業領導層從低谷到復蘇的心理波動曲線，和他們應對危機的抉擇與判斷，甚富啟發。