南丫島大風車

等了咁耐，終於去了南丫島睇貓貓同大風車了。

這隻貓是在一間衣服店養的，我和女朋友一進去店內，佢就跟著我地尾，咁我地同佢玩啦，我女朋友一伸隻手出嚟，佢就伸個頭過來，摸了一會，佢仲攤埋在地上，超開心咁。


這是另一間店的門外，一看就知這是一隻絕了育的貓，看看牠的耳仔就知了。因為南丫島太多貓了，有機構會定期來捉貓去做絕育，然後放回原位。這隻比之前一隻更加"che"人，佢不停在腳邊"hi"來"hi"去，好好玩呀。點解我果隻"milk milk"唔同我玩架～


跟住就行左上山睇大風車，都唔係好辛苦，行十五分鐘就到，都幾多人上去架喎。個風車真係幾壯觀，未行到已經睇到風車葉在轉了，點知上到山，一點風都沒有，只見到唔轉的風車。
－_－"
好在山上的風景不錯呢，可以清楚看到數碼港和海洋公園，算係補番數，不枉此行。



想睇風車，可以在榕樹灣碼頭沿著大街行去沙灘的方向，途中會經過一間豆腐花店，可以買碗食下獎勵下自己先。再向前行，會見到一條上山的行車馬路，旁邊的樹有清晰的指示牌寫著「乜乜風力發電站」咁樣。由這裡出發行上山，要十五分鐘。驚行錯可以問下人，應該會有幾多人同你一齊行上山tim。