米高‧豪

2005年1月3日

北海道　旅遊「貼士」

由某留言版轉載．．．

第一次去北海道既朋友，記得帶本五吋乘五吋大既白紙簿去「給」印仔，此乃北海道特色之一，上至酒店，旅遊景點，下至中途站既便利店都有得「給」，每個印仔都有當地景點既特色公仔，非常有紀念價值。
天氣又凍又乾燥，皮膚特別乾燥既人記得帶橄欖油潤膚，最欏命係酒店既暖氣，臨訓前響浴缸放一缸暖水，可以保持室內足夠濕度，衣著方面，天蠶衣加羊毛冷衫，可摺式羽絨外套，基本上跟團除左滑雪之外戶外活動唔多，一上車同出入餐廳就有暖氣，焗住要除衫，所以揀摺得埋既羽絨會方便好多，我自己就買 procam fish 既羽絨，貪佢送埋個好薄既有繩袋仔，一入餐廳就摺細入袋掛椅背，上車又可以摺細放上行理架，非常方便，相反見其他團友著 north face 就硬掘掘，成件掛椅背又拖地又易俾人踩污糟，上旅遊車仲鑊，要全程攬住，諗起都覺得煩；玩雪必備防水手套，最好揀薄薄地身已經夠暖，可以問朋友借，再唔係就女人街買廿蚊一對，一樣夠暖又唔入水，女仔貪靚買多對「冷」手襪同「冷」帽帶去，影相都變化多Ｄ又靚Ｄ，如果唔記得帶防水手套去，當地滑雪場都有得賣，一般舊半到兩舊水左右，另外，鞋方面好多人都會忽略左，上滑雪場一定要著防水鞋，例如 timberland 或者 cat 之類既半筒鞋，（一般皮革類鞋並不防沁水）因為玩雪鞋頭Ｄ雪一溶，沁入內籠整濕埋對襪，到時除襪又死唔除襪又死，個種感覺仲正過滿清十大酷刑，如果係拍緊拖既男女，我就恭喜男方勒，因為你可以感受一下「我的野蠻女友」入面個一幕交換鞋著既浪漫，保証閣下呢個旅程畢生難忘。
換 yen 我鍾意幫趁中環「百年找換店」，首先，佢 yen 存貨夠多，換幾多都有，又唔駛手續費，最重要係可以電話問匯價，o岩價錢可以留低聯絡資料（必須），即時預留幾多 yen，到你上到去欏 yen 無論價錢上落都照電話所報一樣，當然佢會覆個電話俾你 check 下個電話號碼堅定流，而且係上晝問價下晝欏 yen，唔留隔夜個隻。
另外仲有Ｄ小小心得同大家分享，上旅遊車記得帶個跟團送既隨身旅行袋（因為爛左都唔駛恨），除左救急藥物外（例如止瀉，發燒頭痛，膠布之類），最好帶副「士啤」隱形眼鏡，以備不時之需；仲有最好去家居用品店買個Ｓ型勾仔（大概三吋高，兩頭圓，五蚊十個果隻），將個旅行袋或者雜物勾響前面椅背，保証唔駛責到腳痺。
今個月二十一號我都跟團去北海道五日，希望大家開開心心過節，返黎唔會同女朋友有「過節」。

轉工？

近日有位朋友辭了職，令我又再想起轉工的念頭。在匯豐的工作，實在太安定了，亳無挑戰，實在很想去試試在軟件公司的工作。但這份工作是一隻很好味的雞叻，有穩定的收入，良好的福利，同事也相處得很好。還好我還有四個多月去考慮。

書名﹕遠見

【明報專訊】書名﹕遠見（作者﹕劉九如　出版﹕萬里／香港）

這是內地首部記錄IT產業如何應對艱難時世的對話體管理啟示錄，佔GDP10%的中國IT產業在3年來的衰退大潮中，經歷痛苦裂變，Intel、IBM、微軟、聯想等如何在變革中成為王者，企業管理如何致勝等，都一一包含在書中。本書以「總裁對話」的形式，再現處於中國改革最前沿的IT業的跌宕起伏，真實記錄了IT業領導層從低谷到復蘇的心理波動曲線，和他們應對危機的抉擇與判斷，甚富啟發。

2004年11月11日

Eden - 生日之晚餐

十一月十一日，在海洋公園玩完一日，已經很肚餓了。我整天都在問女朋友會帶我去哪裏吃晚餐慶祝生日，但她守口如瓶，一些貼士都沒有，就只知道在香港島。終於出發去找我的晚餐了，這天我們有私家車，離開海洋公園後的第一個指示就是開車去銅鑼灣，拍好車子後，入了一座商業大廈，這時大閘己經關了，只剩下一扇門，進入後還要登記，左看右看都不知女朋友要帶我去哪裡。入了升降機，按了３８樓，這是頂樓，我還以為女朋友想帶我去天台看海境、吹風還是甚麼．．．

終於揭終了，其實我一早就知道有這間餐廳的存在，因為在電視劇經常會上鏡的。我之前已經想來試的了，因為這裡的環境實在是很靚，它的名字叫"Eden"。

先說環境，這餐廰主要以白色為主，配以綠色盆栽作裝飾，燭光加上無敵維港海景，十分浪漫。

食物方面，一般西餐菜式，一個$380的dinner有6個courses，質素算很好，款式特別，每個星期都會轉餐牌，有數個主菜可選擇，一個星期前會把餐牌放上網，以供參考。另外還有二百多元的set可供選擇。

因為這裡實在是很靚，所以差不多每一台的客人都會要求待應幫忙拍照留念，他們一點也沒有抗拒，還主動幫你拍多數張不個角度，真是十分細心。

雖然價錢一點都不平宜，但這高級海景西餐廳，個絕對是一個很好的拍施或求婚勝地。