2006年3月10日

太緊張了

都唔知緊張D乜,三唔識七,佢地又唔會食人的,明明就無野好緊張,但係偏偏就係好緊張。就係咁樣,表現不好,激死我了! 睇來都係無乜好結果的了。在云云入左去的同事之中,我可能會成為第一個不被取錄的人。 >_<

2006年3月7日

Milk Milk要帶頭罩

Milk Milk要帶頭罩,佢好唔習慣,不停想整甩個罩,又用手抓、又fing頭、又典地...,但係都係整唔甩,好慘呀。佢仲要為持咁樣多兩個星期呢。

死火

今天放假,借了爸爸的車,諗住帶隻貓去睇獸醫,點知行到半路死曬火,要入廠。第一次坐拖車,給了二百元。去到車房,個蛇仔就話個水箱無曬水,check多一陣,原來個水箱漏水,咁個engine過熱燒左!
@ˍ@
現在要換過個engine和水箱,好貴。如果早D睇到個溫度錶唔正常,可能未至於燒engine咁嚴重。以前好日都唔睇下個溫度錶,以後真係要多加留意了。

2006年3月3日

Split之最新update

今日收到最新的消息,就係之前個消息,不關我事的版本有四分之一是對的。即係咁:

我個department有兩個高層會調去其他地方,但係又會有數十人入來我地度。人數多了,但係俾錢班銀主最近去得街市多,講價叻左,話要減價喎,咁點養咁大班人呢?有待正式公報‧‧‧

2006年3月2日

又split?唔係掛?

根據可靠消息,我個department又會被分割了,但詳情未知。我聽到有兩個版本,一個影響到我 ,另一個影響唔到我,希望係後者。如果係前者,會好灰,無晒心機架喎。
>_<

2006年2月28日

衰衝動

最近衝動地做了一件事,很後悔。雖然不是甚麼大件事,但我以後一定要三思而後行,要記住呀!

MSc E-Commerce & Internet Computing, HKU

二月尾deadline,上個星期終於報了名,唔知收唔收我呢?很久沒有讀書了,希望我可以應付啦。

想了很久,我將來要走怎樣的路,終於作出了選擇,不知這是不是一條適合我的路呢?

2006年2月25日

南丫島大風車

等了咁耐,終於去了南丫島睇貓貓同大風車了。

這隻貓是在一間衣服店養的,我和女朋友一進去店內,佢就跟著我地尾,咁我地同佢玩啦,我女朋友一伸隻手出嚟,佢就伸個頭過來,摸了一會,佢仲攤埋在地上,超開心咁。


這是另一間店的門外,一看就知這是一隻絕了育的貓,看看牠的耳仔就知了。因為南丫島太多貓了,有機構會定期來捉貓去做絕育,然後放回原位。這隻比之前一隻更加"che"人,佢不停在腳邊"hi"來"hi"去,好好玩呀。點解我果隻"milk milk"唔同我玩架~


跟住就行左上山睇大風車,都唔係好辛苦,行十五分鐘就到,都幾多人上去架喎。個風車真係幾壯觀,未行到已經睇到風車葉在轉了,點知上到山,一點風都沒有,只見到唔轉的風車。
-_-"
好在山上的風景不錯呢,可以清楚看到數碼港和海洋公園,算係補番數,不枉此行。



想睇風車,可以在榕樹灣碼頭沿著大街行去沙灘的方向,途中會經過一間豆腐花店,可以買碗食下獎勵下自己先。再向前行,會見到一條上山的行車馬路,旁邊的樹有清晰的指示牌寫著「乜乜風力發電站」咁樣。由這裡出發行上山,要十五分鐘。驚行錯可以問下人,應該會有幾多人同你一齊行上山tim。

2006年2月16日

Eason Concert 2006

$100飛,坐得好後,但係都係聽歌為主,所以無乜問題。
除了中段的弦樂合奏好悶之外,全場氣氛很好,我叫都聲都沙埋。
個舞台好特別,好勁,好靚。燈光效果最靚,同D音樂好夾,氣氛很好,值得一讚。
D dancer好得意的,全部都見不到樣,扮鬼扮馬。
整體來說都幾驚喜呢!

CIBM Annual Dinner場地

機場富豪酒店,五十多圍枱,仲要包來回機場鐵路車票,正!
三月中有得食。